🌽🍚粟米薯仔紅蘿蔔蛋羹配飯🍚🌽
新年剛過 為B就大傷風
鼻塞到瞓唔到 鼻水倒流攪到咳
咳到眼都紅埋仲流眼水
要樹熊抱先瞓到覺 爸爸勁心痛
一直睇開個西醫伯伯 叫我唔好俾涼野佢食
係中醫話果類寒涼野
所有好多水果 菠菜 白菜等等都唔食得
唔舒服胃口又差咗 好多時都係食兩三啖就開始擰頭
唯有用為B最鍾意嘅海豚造型取勝
嘗試氹佢食多兩啖飯
果然成功清晒啲餸食咗一半飯👏🏻
*************************************
薯仔粟米紅蘿蔔蛋羹 一人份
BB薯仔 一個
粟米 1/3條
紅蘿蔔 半條(中size)
青豆 兩湯匙
雞蛋 一粒
蒜粉 少量 (可以不加)
水 一飯碗或約500ml
生粉 適量 (如有需要)
1.先把紅蘿蔔，薯仔洗淨去皮 切粒
2.將水煲滾放入薯仔及紅蘿蔔 中小火烚5-8分鐘
再加入粟米 青豆再烚3-5分鐘
3.此時應該收了少少水 轉中火 加入蛋液 及蒜粉調味
4.如果水還是太多 可以加少少生粉水 至濃稠度適中 完全✨
#你快啲好返下次整隻靚啲嘅海豚補返俾你
#希望新一年健健康康
Search